Ourense Mellor e En Marea sumarán esforzos cara as municipais

PLATAFORMA CIDADÁ POR UN OURENSE MELLOR

Ourense Mellor e En Marea sumarán esforzos cara as municipais

Este luns pola mañá tivo lugar o acto de sinatura do protocolo de colaboración entre a Plataforma cidadá Ourense Mellor e a segunda forza política do país, En Marea.

O obxectivo deste acordo de colaboración é estreitar lazos, crear espazos de traballo conxunto e compartir ideas e recursos para transformar Ourense.

No acto, interviron a candidata nº2 da plataforma Iolanda Pérez, o cabeza de lista e candidato á alcaldía Etelvino Blanco e por parte de En Marea a vicevoceira e responsable de municipalismo Ana Seijas e o voceiro nacional Luis Villares.

Todas as intervencións celebraron a alegría que supón aunar esforzos e sumar novas pingas de auga aos proxectos locais, para contribuir a mudar desde o municipal o nacional e o global.

Desde Ourense Mellor, Etelvino Blanco fixo fincapé en sumar novos esforzos colectivos e individuais para construir unha alternativa sólida que poida entrar con forza no concello e gobernar a cidade para transformala despois desde 4 anos de desgoberno. Tamén destacou a importancia de colaborar con outras mareas municipais da provincia para rematar coa dinastía Baltar.

Tanto Etelvino Blanco como o voceiro de En Marea, Luis Villares, quixeron celebrar esta colaboración e destacar a autonomía e independencia local para a toma de decisións, a diferenza de outras forzas políticas que teñen o seu centro de decisión en Santiago ou Madrid, e non en Ourense, como a plataforma Ourense Mellor.

 

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.